أبــد لتصدك بــليل اليـــحبون

أبــد لتصدك بــليل اليـــحبون

ولابوعود ما تــبقى الـــنهارك

وابد لتصدك عيون اليسهرون

ولاتبني على المامش قرارك

اذا كلك حبـيب وبـيك مـفتون

مساره الصبح ماوالم مسارك

ويكول آنه الأوافي ....بس اواعد

ويسويني معاضد .... بس اواعد

يدهري من تعدلي ... بس اواعد

تعد مره الي وميه عليه...

ولاتكــتب ابد بأوراق الــــظنون

يمينك من تخط تمسح يسارك

نطيت الجوز للماعدهم سنون

وجبت اكبر عدو وسكنته جارك

يل كلك تناقـــض فــــك العيون

وبـوجه الــظلام اشـــعلها نارك

اليوزك نفسه للعدوان ......وك يوز

دكافي من الظنون البيك ..وك يوز

البلايه سنون تنطيه ليش.. وك يوز

الكرهني شلون يرهم جار اليه..

والبدمهم دغــــــــش لاتظن ينسون

حقود اعلى البـشر بالك تـــــــــبارك

وجذب من كال حكمه براس مجنون

حكــــــيم الي بعقول الناس شارك

البــــــشر لو يوفي لو بذات ويخون

بـــــــــعناوين الــــوفه لون شعارك

ولاتامن بشر خوان ...... بذات

لان يترك اثر بالروح .......بذات

اذا كلك حبيبي اعنيك ...بذات

كله من الوفه حنيلي اديه.